ASISTENT/E per marketing

Përmbledhje:

NEO Lubricants është distributor rajonal i vajrave lubrifikante premium, me partneritet strategjik për brendet CASTROL, ARAL, etj, duke furnizuar klientë komercial, industrialë dhe flota në gjithë Kosovën dhe rajon. Kompani operon nga një qendër moderne dhe me kapacitete të avancuara magazinimi qê na mundësojnë furnizim të shpejtë e të besueshëm tek klientët tanë.

Si Asistent/e për Marketing, ju do të ndihmoni kompaninë në komunikimet digjitale, publikimet në rrjete sociale, përgatitjen e materialeve të marketingut dhe mbështetjen e fushatave. Do të punoni ngushtë me shitjet dhe operacionet për të reflektuar ofertat tona dhe për ta bërë brendet tona edhe më të dukshme.

Detyrat dhe Përgjegjësitë:

• Menaxhimi i kalendarit të përmbajtjes për platforma si: Facebook, Instagram, dhe LinkedIn; publikime të rregullta sipas brand udhëzimeve.
• Përgatitja e teksteve të shkurtra (copy) dhe koordinimi i elementeve vizuale (me dizajnerin) për produktet e brendeve tona si CASTROL, ARAL, etj; ofertat të ndryshme, njoftime dhe komunikim me klientët potencial.
• Monitorimi i komenteve/mesazheve; përgjigje bazë dhe eskalim tek shitjet kur nevojitet.
• Koordinimi i fushatave të vogla me pagesë (Meta Ads— nivele bazike), mbajtja e evidencës së buxheteve dhe rezultateve.
• Fotografim i produkteve/materiale dhe organizim i materialeve foto/video
• Përgatitje e raporteve javore dhe mujore.
• Mbështetje në evente (panaire, kampanja), përgatitje materiale promocionale, etj.
• Koordinim i përmbajtjes në web (artikuj të shkurtër, oferta) në bashkëpunim me ekipin menaxhues.

Kualifikimet dhe Përvoja:

• Diploma univerzitare në Marketing/Komunikim ose fusha të ngjashme
• Minimum 2 vite përvojë pune në marketing, pëgaditje dhe monitorim i publikimeve dhe kampanjave në rrjete sociale dhe platforma të ndryshme.
• Aftësi të shkëlqyera komunikimi në shkrim dhe në të folur
• Njohje e mirë e gjuhës angleze

Çfarë ofrojmë:

• Pagë fikse konkurruese
• Përfitime shtesë si Paga e 13-të dhe bonuse shtesë për arritje të objektivave
• Mundësi për zhvillim profesional dhe avancim në karrierë.