TERMI I REFERENCËS SË PUNËS EKSPERTËT

INFORMACION I PËRGJITHSHËM

OJQ “Zëri i Romëve, Ashkalinjve dhe Egjiptianëve” , me seli në Prishtinë, është një organizatë jofitimprurëse që punon për përmirësimin e kushteve socio-ekonomike të komuniteteve rome, ashkalinj dhe egjiptianë në Kosovë. Organizata synon avancimin e të drejtave të këtyre komuniteteve përmes avokimit, përmirësimit të kushteve të banimit, zhvillimit ekonomik, punësimit dhe qasjes më të mirë në arsim.

Në kuadër të bashkëpunimit me Ministrinë e Arsimit, Shkencës, Teknologjisë dhe Inovacionit (MAShTI), VoRAE synon të angazhojë dy ekspertë që do të kontribuojnë në procesin e përzgjedhjes dhe përshtatjes së materialeve mësimore të dëshmuara për historinë, kulturën dhe traditat e komuniteteve Rom, Ashkali dhe Egyptian për t’u integruar në tekstet shkollore të arsimit parauniversitar.

2. KONTEKSTI I NDËRHYRJES

Qëllimi I organizates dhe MAShTI-t është të sigurojnë përfaqësim të drejtë, gjithëpërfshirës dhe faktik të komuniteteve rome, ashkali dhe egjiptiane në materialet dhe tekstet shkollore. Në vitet e fundit janë krijuar materiale të specializuara nga grupet profesionale dhe ekspertët e fushës. Megjithatë, përfshirja e tyre e suksesshme në tekstet shkollore kërkon:

• Sistematizim, rishikim dhe harmonizim të përmbajtjes;
• Përshtatje sipas niveleve shkollore dhe kurrikulës së re të arsimit parauniversitar;
• Koordinim me grupin punues të MAShTI-t për integrimin gradual në tekste;
• Gjetjen e formateve didaktike të përshtatshme për moshat e ndryshme.

Dy ekspertët e angazhuar do të mbështesin këtë proces duke kontribuar profesionalisht në rishikimin, përzgjedhjen dhe përgatitjen finale të materialeve që duhet të përfshihen në tekstet shkollore.

3. QËLLIMI SPECIFIK

Qëllimi kryesor i angazhimit është:

Të përzgjidhen, sistematizohen dhe përshtaten materialet ekzistuese mësimore që trajtojnë historinë, kulturën dhe traditat e komuniteteve Rom, Ashkali dhe Egjiptian, në mënyrë që ato të integrohen në tekstet shkollore të Kosovës në përputhje me kurrikulën dhe standardet e MAShTI-t.

4. AUDIENCE DHE PËRDORIMI

Produktet e këtij angazhimi do të përdoren nga:

• MAShTI dhe grupet punuese të tij;
• Shtëpitë botuese të teksteve shkollore;
• Mësimdhënës dhe institucione arsimore;
• Organizata të shoqërisë civile që punojnë me komunitetet Rom,Ashkali dhe Egjiptian;
• Ekspertë të kurrikulës dhe hartues të teksteve.

5. METODOLOGJIA DHE PROCESI

Ekspertët e angazhuar do të punojnë në bashkëpunim të ngushtë me:

• Grupin punues të MAShTI-t;
• Ekspertët që kanë krijuar materialet ekzistuese;
• Koordinatorët e projektit nga VoRAE.

Procesi i punës do të përfshijë:

1. Rishikim të detajuar të materialeve ekzistuese (historike, kulturore, shkencore, didaktike).
2. Identifikim të përmbajtjeve që duhet të integrohen në tekstet shkollore.
3. Përshtatje të materialeve sipas niveleve të kurrikulës (klasa 1–9 dhe shkollat e mesme).
4. Hartim i versioneve të strukturuara, të qarta dhe të aplikueshme për hartuesit e teksteve.
5. Koordinim me ekspertët e MAShTI-t për finalizimin e moduleve.
6. Dorëzimi i materialeve përfundimtare të sistematizuara dhe të gatshme për integrim.
7. Përgatitja e një raporti përmbledhës me rekomandime.

6. PRODUKTET E PRITURA (OUTPUTS)

Ekspertët do të dorëzojnë:

1. Raport fillestar i analizës (mapping i materialeve ekzistuese).
2. Materiale të përzgjedhura dhe të sistematizuara sipas temave (histori, kulturë, tradita).
3. Tekste të përshtatura sipas niveleve shkollore (përfshirë propozime ilustruese dhe aktivitete).
4. Udhëzues didaktik për integrim në tekstet shkollore.
5. Raport final, që përmbledh procesin, metodologjinë dhe rekomandimet.

7. PLANI I PUNËS DHE BUXHETI

Planifikimi i punës do të bashkërendohet me VoRAE dhe MAShTI. Ekspertët duhet të propozojnë:

• Afatet kohore për secilin produkt;
• Orët e punës të parapara;
• Buxhetin e detajuar (honorare dhe shpenzime të nevojshme).
• Puna duhet te perfundohet deri ne fund te dhjetorit 2025

8. KRITERET E PËRZGJEDHJES

• Diplomë universitare Master në fushën e arsimit, shkencave arsimore, historisë, sociologjisë, kulturës, ose fusha të ngjashme.
• Preferohet kandidatë me gradë PhD ose kandidatë në proces të doktoraturës.
• Përvojë në zhvillimin e raporteve, programeve mësimore dhe materialeve edukative.
• Minimum 3 vjet përvojë profesionale në ofrimin e trajnimeve, edukimit, apo punës me kurrikulën.
• Preferohet përvojë paraprake në punë me komunitetet rome, ashkalinj dhe egjiptianë.
• Aftësi të shkëlqyera komunikimi dhe koordinimi ndërinstitucional.
• Aftësi në dizajnimin e sesioneve mësimore dhe materialeve didaktike.
• Përkushtim për respektimin e afateve dhe cilësisë së dorëzimit.

9. DOKUMENTACIONI I KËRKUAR / KUSHTET PËR APLIKIM

Kandidatët e interesuar duhet të dorëzojnë:

• CV të përditësuar
• Ofertë financiare me buxhet të detajuar
• Plan pune të propozuar për realizimin e detyrës

Dokumentet duhet të dërgohen në email adresën: [email protected]

10. MËNYRA DHE AFATI I APLIKIMIT

Aplikimet pranohen vetëm përmes email-it, në formë të shkresës zyrtare.

Afati i fundit për aplikim: 10 dhjetor 2025
Në subjekt të email-it duhet të specifikohet:
“Ekspertiza – Tekstet shkollore për komunitetet rome, ashkali dhe egjiptian”

Aplikimet e dërguara pas këtij afati nuk do të merren në shqyrtim.