THIRRJE PËR SHPREHJE INTERESI PËR MENTORË

Komunitetet rom, ashkali dhe egjiptian shpesh përballen me sfida dhe pengesa të veçanta në rrugën e tyre drejt arsimit të lartë. Diskriminimi, varfëria dhe mungesa e burimeve financiare janë disa nga faktorët që kontribuojnë në nivelin e ulët të pjesëmarrjes në arsim. Ndërkohë, qëndrimet dhe stereotipet mbizotëruese ndikojnë vazhdimisht në vetëvlerësimin e tyre dhe pengojnë arritjet e tyre të plota arsimore e profesionale dhe mundësitë për t'u shkëlqyer. Prandaj, angazhimi i plotë i stafit arsimor për të mbështetur këta fëmijë dhe për të parandaluar përjashtimin arsimor mund të sjellë ndryshime thelbësore dhe të frytshme në rrugën e tyre arsimore dhe zhvillimin personal.

Qëllimi:

Qëllimi i përgjithshëm i këtij projekti është të ndikojë tek nxënësit përmes ndërhyrjeve pozitive për rëndësinë e arsimit, duke i inkurajuar ata të luajnë një rol aktiv në menaxhimin e procesit të tyre arsimor dhe të orientohen drejt suksesit akademik. Për këtë qëllim synojmë të zbatojmë një program mentorimi ku mentorët do të fokusohen tek nxënësit e shkollave të mesme. Kjo iniciativë synon të ofrojë mbështetje akademike dhe jo akademike për nxënësit e këtyre shkollave, veçanërisht ata që vijnë nga komunitetet rom, ashkali dhe egjiptian. Nëpërmjet mentorimit, ne synojmë të ofrojmë një mjedis mbështetjeje dhe asistence, duke ndihmuar nxënësit të ruajnë dhe përmirësojnë performancën e tyre në shkollë. Roli i mentorit do të jetë të ofrojë udhëzime dhe mbështetje për nxënësit në përmbushjen e sfidave të shkollës, duke i ndihmuar ata të arrijnë potencialin e tyre të plotë, të zhvillojnë aftësitë e tyre, të përmirësojnë performancën e tyre akademike dhe të bëhen personi që duan të jenë.

Në kuadër të programit të ofrimit të ndihmës për arsimimin e komuniteteve rom, ashkali dhe egjiptian, OJQ "Zëri i romëve, Ashkalive dhe Egjiptianëve", me mbështetjen financiare të Roma Education Fund (REF), fton të interesuarit që të aplikojn për mentorë për vitin 2024/2025.

Mësuesit, pedagogët dhe psikologët që janë staf i rregullt i shkollave të mesme në Kosovë kanë të drejtë të shprehin interesimin e tyre. Gjithashtu, individët që kanë përfunduar universitetin dhe dëshirojnë të japin kontributin e tyre në Mentoring mund të aplikojnë për këtë thirrje.

Angazhimi si mentor do të jetë i paguar dhe do të llogaritet bazuar në numrin e nxënësve që do të mentorohen. Pagesa bruto për një nxënës do të jetë gjashtëmbëdhjetë (16) euro në muaj.

Një mentor mund të ketë maksimumi 5 nxënës dhe minimumi 3 nxënës. Mentori do të mbajë minimumi 4 takime me nxënësit çdo muaj.

Detyrat kryesore të mentorit janë:

1. Informimi i nxënësve të përzgjedhur nga programi mentorues për përfshirje të suksesshme në jetën shkollore dhe detyrimet e tyre si nxënës. Kjo përfshin njohjen me detyrimet, të drejtat dhe përgjegjësitë e tyre në shkollë;
2. Ofrimi i ndihmës nxënësve për ndjekjen e rregullt të shkollës dhe arritjen e suksesit sa më të mirë në mësim. Kjo përfshin sugjerime për organizimin e orëve shtesë ose aktiviteteve jashtëshkollore për të përmirësuar performancën e tyre akademike;
3. Këshillim, ndihmë dhe mbështetje në lëndët në të cilat nxënësit përballen me probleme, duke përfshirë zhvillimin e planeve individuale për përmirësimin e njohurive në ato lëndë;
4. Ndihmë në zhvillimin e qëllimeve personale dhe akademike: Mentorët i ndihmojnë nxënësit të identifikojnë dhe përcaktojnë qëllime të qarta personale dhe akademike dhe t'i ndihmojnë ata në rrugën e tyre;
5. Vendosja e kontakteve dhe bashkëpunimi me prindërit e nxënësve me qëllim të raportimit për ecurinë e mentorimit dhe monitorimin e rregullt të përfshirjes dhe progresit të tyre në shkollë;
6. Rritja e vetëdijes për vetëvlerësimin: Mentorët i ndihmojnë studentët të zhvillojnë vetëdijen e tyre për vetëvlerësimin dhe të përmirësojnë vetëbesimin;
7. Këshillime personale dhe takime me prindër për zgjidhjen e problemeve të mundshme në shkollë dhe në familje që mund të ndikojnë në përparimin e nxënësit;
8. Ofrimi i mbështetjes për nxënësit në përgatitjen për arsimim të vazhdueshëm, duke përfshirë qëndrimin në studimet pasuniversitare ose të mëtejshme;
9. Raportimi i rregullt në organizatë për progresin e punës, për të siguruar që nxënësit të përfitojnë nga mbështetja e ofruar nga mentorët;

Për t'u kualifikuar si një mentor i mundshëm, një aplikant duhet:

• Të jetë staf i rregullt në shkollë (për aplikues te stafit te shkollës) ;
• Të ketë diplomë universitare;
• Të ketë aftësi të mira komunikuese dhe motivim për nxënësit;
• Të ketë përvojë në metodologji moderne arsimore;
• Të ketë aftësi për të shkruar raporte;
• Të ketë njohuri kompjuterike;

Dokumentet e nevojshme për aplikim:

• CV (Curriculum Vitae);
• Letër motivimi;
• Diplomë universitare dhe çertifikata nga trajnimet përkatëse.

Vendet/Komunat ​​ku kemi nevojë për mentorë:

• Graçanicë (Preoce) - 4 Mentorë
• Obiliç (Plemetinë) – 1 Mentor
• Gjilan – 4 Mentorë
• Kamenicë – 4 Mentorë

Dokumentet e kompletuara mund t'i dërgoni në e – mail adresen : info@vorae.org , me subjekt:

"Aplikim për mentor"

Afati i aplikimit është deri më : 22.01.2025

Dokumentacioni i pakompletuar nuk do të merret parasysh.

Vetëm kandidatët e përzgjedhur në listën e ngushtë do të kontaktohen.

Per me shumë informacion mund të na kontaktoni në e-mail adresen info@vorae.org